Um tónlistina...

Sólóplatan Fuður.

Síðasti hluti þríleiksins, Japl, Jaml og Fuður hefur komið sér þægilega fyrir á hillum verslanna og í vitjum viljugra unnenda. Öll lög og textar eru glæný eftir undirritaðan og hefur lagið “Ilmurinn”, sem ég syng ásamt Birni Jörundi og “...nema að kraftaverk komi í ljós”, fengið ágætis spilun í viðtækjum landsmanna og er einungis forsmekkurinn af því sem fyrir er. Það er alltaf stór stund lífi hvers draumóramanns er hann handfjatlar slíka afurð. Eftir margra mánaða hugarangur, spenning, gleðiköst, peningaleysi, fullkomnunaráráttu, mikilmennskubrjálæði og einstaka kæruleysissprautu, er ég bara sæmilega sáttur með útkomuna.

Fuður er frábrugðin hinum plötunum tveimur að því leytinu til, að hún einkennist af miklum gestagangi. Til dæmis syngja með mér dúetta á plötunni áðurnefndur; Björn Jörundur, hinn rámi siglingakappi og prímus mótor Nýdanskar, Hara systurnar nýfrægu sem eru líka áberandi í bakröddum og síðast en ekki síst, götuskáldið og heimspekingurinn nýslegni, Jójó (sem reddaði mér fyrsta gítardjobbinu í borg óttans).

Líka eru með mér hellingur af frábærum hljóðfæraleikurum, leiknir sem lærðir, eins og Jakop Magnússon, Sigurgeir Sigmunds, Jón Ólafs, Dan Cassidy, Hjörtur Howser, Birgir Bragason, Pétur Grétarsson, Ingi Skúlason, Benedikt Brynleyfsson og margir fleiri. Meira að segja karl faðir minn strömmar nokkra hljóma og gömlu félagar mínir úr Janus leggja hönd á plóg. Ég ákvað 2006 eftir að ég kláraði Jamlið, að láta töluverðan tíma líða áður en ég tækist að lokum á við Fuðrið, enda alltaf strembið að semja, spila og taka upp heila plötu á nokkrum vikum (svo ég tali ekki um hvað það er oft einmannalegt).

Það stóð líka til að gera nýja Sálar-plötu árið 2007. En er hætt var við þá hugmynd snögglega, ákvað ég bara að skella mér í að klára þríleikinn (þó að ég sé ekki upprifinn að lenda í miðjum jólaslagnum með útgáfudaginn). En það bjargar miklu að eiga samskipti við þetta frábæra listafólk sem leggur mér lið á disknum – jú, það segir fátt af einum.

 

 

 

GUMMI JÓNS – FUÐUR

Lög og textar – GJ
Söngur, hljóðfæraleikur, forritun, útsetningar, upptaka og upptökustjórn (nema trommur og bassi - Baldvin A. Baldvinsson) – GJ
Hljóðblöndun – Óskar Páll Sveinsson
Hljómjöfnun - Axel Árnason.
Snurfus og frágangur í fag-tólum – Daði Georgsson
Hljóðritun átti sér stað sumarið 2007 í Sýrlandi,Eyranu og í hinum ýmsu heimahúsum.

Ljósmyndir – Jónatan Grétarsson
Hönnun umslags – Arnar Geir Ómarsson

Viltu eignast diskinn? - Hérna færðu hann keyptan
Hérna er hægt að kaupa plötuna á Skífan.is - Smella -
Hérna er hægt að kaupa plötuna á Tónlist.is - Smella -
Lögin á plötunni - umsagnir um lögin - textarnir - hljóðskrár
1) Leyfðu mér	Textinn	Spila lagið
2) Nema að kraftaverk komi í ljós	Textinn	Spila lagið
3) Ilmurinn	Textinn	Spila lagið
4) Ég hef engu gleymt	Textinn	Spila lagið
5) Innst inni veit ég allt	Textinn	Spila lagið
6)Hjartað slær afturábak	Textinn	Spila lagið
7) Syngdu með mér lag	Textinn	Spila lagið
8) Álög	Textinn	Spila lagið
9) Eins og lauf (í sterkum vindi)	Textinn	Spila lagið
10) Ég um þig frá mér til þín	Textinn	Spila lagið

E-mail: gummijonss@simnet.is


Til baka